_by me @Gardermoen
Den digitale angsten
spreier seg
i heile kroppen
berre av tanken
tanken på abstrakte konturar
som mørke rom
utan veggar
ingen dør
der ingen lev
kan ingen å leve?
er det liv her?
angst til besvær
hen overdriv sikkert
heilt sikkert
kor vanskeleg kan det vere?
kan du ikkje berre gjere det?
berre få det gjort?
tru kor mange gongar
eg sjølv
har lurt på nett det
for det er nett det
som gjer nettet så frustrerande
korfor må det vere sånn?
så fengslande
så bindande
så hypnotiserande
så fortryllande
heksekunst og svart magi
man sa det var tull og fanteri
man skreiv boka om historia
for så å omskrive ho
tilpasse ho og forme ho
som det passa
man endra ho litt etter litt
gjorde ho god og rund i kantane
for så å kritisere ho
håne ho med spytt i andletet
mørke kjellarar treng skitten jord
dustar og troll
i forkledning
på utkikk etter kjærleik og elskov
med underkua nikkedokker
tyste som brød
nærast tagale
slike ein kan misbruke
men nøkken lar seg ikkje føkke med
ufridom så svart som natta er lang
høyrer du songen om livsens gang?
vonbroten song
ifrå kvalflokken
gråtkjøvde skrik
heilt til alt går dukken
hummar og kanari
ja, det er takken
takk for lagnadens hete
takk for informasjonens fokk
takk for handlingslamming
takk for byrdens sjokk
der er ingen her som slår eller tvingar
vi går planken
utan vingar
fri som fuglen
går vi på vatnet
der straffa kjem for ein dag
med kvasse barberblad mot songstrupen
flyg vi i strupen på andre, på kvarandre
tek faste strupetak om skjør hals
i rein og skjær dødsangst
dansar vi livets evige dødsvals
kvelt av mangel på rein luft
helst så frisk at det skjer i lungane
edderkoppdronninga veit kva ho gjer
ho veit nøyaktig kva ho gjer
ho har spunne nett så lenge ho kan hugse
god på kjerringrokken er ho no
(best å gøyme seg)
med svart slør dekk ein seg til
men gjer ein det fordi ein vil?
kva kan ein påleggast, tvingast til
utan at det vert tvang?
tving meg til å følgje deg
følgje med
alt du send min veg
som ei tvangstrøye
du ber meg så pent
om ikkje eg kan ikle meg ho
friviljug såklart
fridomens tvangstrøye
eg har då eiga fri vilje
frie val ligg oss nær nemleg
demokratiske som vi er
det er klart vi ivaretek eit krav så kjært
faktisk nokså openbert
er det
er det?
Sólstrauman 